عضو قديم من بدايات تأسيس ترايدنت

[عبد العزيز حامد]

السلام عليكم ورحمة الله وبركاته


يالله حي كلًا بأسمه

وانا جالس على اللاب توب قلت خلني ارجع الايام الخوالي من عام 2003
ايام عز المواقع العربيه
وايام كانت النفوس طيبه والكل يحب يساعد الثاني ويجتهد ويجيب افضل ماعنده

ورحت اشوف اغلب المواقع اللي كنت عضو فيها

وللأسف اغلبها تقفل

بدايات ترايدنت كانت من عام 2004
يمكن بعضكم لسه ما انولد ذيك الايام او توه يحبي ههههههه

اول ما انفتح صار عليه اقبال كبير سبحان الله

وذلك عشان تركي الودعاني الله يذكره بالخير كان يتميز بتصاميم جميله جدًا

واعتقد هو اول من غير مفهوم تصميم المنتديات بذاك الوقت

خلال سنه وحده غطى على سوالف سوفت وكل المواقع من ناحية عدد الزوار

وسوالف سوفت الان للاسف حاله لايسر عدو ولاصديق

الله يذكر اللي كانو موجودين ذيك الايام بالخير
ويرحم اللي توفى منهم

اخذني الحنين استرجع الذكريات ورحت افتح مواضيعي القديمه وياخذني الحنين لذيك الايام


الآن كل شي تغير مافي اقبال على المنتديات واغلب المنتديات من ذيك الايام تقفلت

ولله الحمد ترايدنت لازال صامد

كانت سرعة الانترنت 4 كيلوبت , و الماسنجر للناس الفتيته بس ..
اما الطريقه المتبعة لتصفح المنتدى هي انك تفتح 7 ولا 8 مواضيع بعدين تروح تتغدا على مايحمل الصفحات ..
والغرابيل اذا اتصل احد على البيت واشغل الخط وقطع النت و انت تحمل


طبعا البيت فيه جهاز واحد .. وخط النت واحد ..
وكل واحد له دور معين و وقت معين حسب ما يتوافق مع البروتوكول المتبع واذا خلص وقتك لا تعطل الي بعدك خصوصاً بالإجازات


من اهم الاشياء الي تحدد شخصيتك الايميل .. ماكان فيه الا خيارين .. ياهوو إذا انت مثقف وكشخه .. اما اذا كان ايميلك مكتوب فهذا دليل انك من شعبي

اما عاد اغبى شئ ذيك الايام بطاقات الفلاش شي يفشل صراحه منب معلمكم عنه
من منكم لحق على ذيك الايام وايام ؟

للاطلاق على مواضيعي القديمه
https://www.malware-site.www/vb/search.php?searchid=1446075


اخوكم في الله ابن عتيبه