منتديات بنات حواء
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

طريقة فعالة لإنجاز أهدافك اليومية

اذهب الى الأسفل

طريقة فعالة لإنجاز أهدافك اليومية Empty طريقة فعالة لإنجاز أهدافك اليومية

مُساهمة من طرف مندور جميل الإثنين يونيو 29, 2020 1:00 pm

سمعت قبل كده عن طريقة "kaizen"
ممكن متكونش سمعت عنها، بس أكيد سمعت الكام مقولة دول
اقتباس
"قليل دائم خير من كثير منقطع"
"أول الغيث قطرة"
"إنما يحدث النار من مستصغر الشرر"
طريقة كايزن بتعتمد على فكرة الإستمرارية، استمر في الشيء اللي بتعمله حتى لو كنت شايفه بسيط أو قليل جدا، وبتقول لنفسك إنك بالشكل ده مش هتوصل لهدفك غير بعد سنين

محدش بيطلع السلم مرة واحدة، لازم تاخدها خطوة خطوة ولازم تتحلى بالصبر

الطريقة دي كويسة جدا للناس اللي بتستصعب المهام اللي عليها، اللي شايفه إنه مفيش وقت تنجز أي حاجة وشايفة إن وراها مهمات كتير وهتحتاج وقت كتير فبتوصل في الآخر لإنها تقف ومتكملش !

طيب إزاي أطبق الطريقة دي في حياتي ؟
طريقة بسيطة جدا لا فيها مجهود ولا تعب ولا أدوات عشان ميبقاش ليك حجة

1- حدد المهام بتاعتك

طريقة فعالة لإنجاز أهدافك اليومية


ودا بيتم عن طريقة "ورقة وقلم" ودي اتكلمت عنها في مقال سابق، ودا اللينك

10 خطوات للقضاء على الكسل والمماطلة.. روشتة مجانية

مهم جدا تحط أهدافك في ورقة عشان تبقى قدام عينك دايما، حدد إنت عايز تعمل إيه بالظبط وخليك دقيق وواضح، بلاش غموض يعني مثلا عايز تذاكر، مينفعش تكتب "مذاكرة، أو أريد أن أذاكر"

لأ، حدد إنت عايز تذاكر إيه بالظبط، مثلا "هذاكر شابتر كذا، هحل امتحان كذا، هراجع مادة كذا...."

وهكذا بقى مش شرط في المذاكرة بس، أي هدف إنت عايز توصله اعمل معاه نفس الفكرة

2- Cutting

طريقة فعالة لإنجاز أهدافك اليومية


بعد ما حددت أهدافك وكتبتها في ورقة، تبدأ بقى طريقة كايزن في العمل، دلوقت إنت أهدافك اللي حددتها كبيرة ومحتاجة وقت ومجهود كتير، وده اللي بيخلي أي حد فينا في الأول بيبقى تمام وشغال زي الفل، لكن بعد إسبوع أو أتنين بيبدأ يزهق، ليه ؟

لإنه ببساطة بيحس إنه بيبذل وقت ومجهود دون ما يكون فيه نتيجة واضحة، يعني "تعب ع الفاضي" فيبدأ تدريجيا الحماس يقل والإرادة اللي كان باديء بيها في الأسابيع الأولى تتلاشى، ويستصعب الموضوع

عشان كدا لازم تكون ذكي، ابدأ امسك الأهداف اللي عندك الكبيرة دي اللي بتحتاج وقت، قسمها لأهداف أصغر وأصغر

اقرأ أيضا: 5 عادات سيئة لازم تتخلص منها فورا

يعني لو عندك هدف محتاج منك وقت 5 أيام مثلا، وكل يوم ساعتين، لأ قلل الساعتين دول خليهم ربع ساعة مثلا، ده هيشيل من عليك أي ضغط أو كسل كنت بتحس بيه قبل كدا لما كنت بتقعد ساعتين كاملين وبتزهق، بعد كدا هتلاقي نفسك إنت اللي بتطلب تزود الربع ساعة دي بمزاجك وبإرادتك مش غصب عنك

بس ساعتها ممكن تسأل نفسك "أنا كده هاخد وقت أطول عشان أوصل للهدف"، ده فخ بلاش تقع فيه !

كدا إنت عايز توصل بسرعة واستعجال، هو إنت فيه حد بيجري وراك ؟

اهدى كدا وفكر نفسك دايما إنك ماشي صح، أي نعم ماشي براحة وعلى مهلك، بس أحسن ما تجري بسرعة وتتعب في نص الطريق وتقف
وافتكر دايما المقولة دي للعراب أحمد خالد توفيق رحمه الله

"ببطء لكن بثبات"

مندور جميل

المساهمات : 24
تاريخ التسجيل : 18/06/2020

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
تستطيع الرد على المواضيع في هذا المنتدى